नेपालले आज श्रीलंकासँग खेल्दै

एसीसी पुरुष अन्डर–१९ एसिया कपमा नेपालले आज श्रीलंकासँग पहिलो खेल खेल्दैछ । यूएईको शारजाह क्रिकेट स्टेडियममा हुने खेल नेपाली समयानुसार बिहान पौने ११ बजे शुरू हुने छ । 

दुवै टोली जीत हात पार्दै प्रतियोगितामा सुखद् सुरुवात गर्ने लक्ष्यमा हुने छन् ।

प्रतियोगिताको अन्तिम तयारी स्वरूप हेमन्त धामीको कप्तानीमा नेपालले भारतको प्रादेशिक टोली कर्नाटकसँग पाँच खेलको एकदिवसीय अभ्यास सिरिज खेलेको थियो । 

हालसम्म ८ पटक एसिया कप खेलिसकेको नेपालको अन्डर-१९ टोली १ पटक मात्र सेमिफाइनलसम्म पुगेको थियो। 

अर्को खेलमा  आजै अफगानिस्तान र साविक विजेता बंगलादेशका युवा टोली प्रतिस्पर्धा गर्ने छन् । प्रतियोगितामा एसियाका आठ देश सहभागी छन् । नेपाल रहेको समूह बीमा श्रीलंका, बंगलादेश र अफगानिस्तान छन् । समूह एमा भारत, पाकिस्तान, जापान र यूएई छन् । 

नेपालले आफ्नो दोस्रो खेल १६ गते बंगलादेशसँग र तेस्रो खेल मंसिर १८ गते अफगानिस्तानसँग प्रतिस्पर्धा गर्ने छ । समूहका शीर्ष २ टोलीले सेमिफाइनलमा स्थान बनाउने छन्।