नेशनल लाइफले लक्ष्य पूरा गर्ने अभिकर्ताहरूलाई दियो 'मीट द सीईओ'को अवसर

नेशनल लाइफ इन्स्योरेन्सले मासिक योजनाअन्तर्गत तोकिएको लक्ष्य पूरा गर्ने अभिकर्ताहरूलाई सम्मानस्वरूप कम्पनीका प्रमुख कार्यकारी अधिकृतसँग साक्षात्कारसहितको डिनर ‘मिट द सिइओ’ कार्यक्रम सम्पन्न गरेको छ।

बागमती प्रदेशबाट छनोट भएका करिब ११० जना अभिकर्ता, विभागीय प्रमुख, प्रदेश प्रमुख तथा शाखा प्रमुखको सहभागितामा यो कार्यक्रम सम्पन्न भएको हो ।

कार्यक्रमका क्रममा कम्पनीका सीईओ सुरेशप्रसाद खत्रीले लक्ष्य पूरा गर्ने अभिकर्ताहरुलाई मायाको चिनो प्रदान गर्नुका साथै अर्ली क्वालिफायर विजेता र सर्टिफिकेट अफ एक्सिलेन्स प्राप्त गर्न सफल अभिकर्तालाई विशेष सम्मान गरे ।

उनले यस सम्मानले अभिकर्ताहरूलाई अझ प्रभावकारी रूपमा काम गर्न उत्प्रेरणा मिल्ने विश्वास व्यक्त गरे ।

कार्यक्रममा सीईओ खत्रीले नेपालभर ३०० भन्दा बढी अभिकर्ताहरूमध्ये बागमती प्रदेशबाट मात्रै ११० जना छनोट हुनु सुखद् उपलब्धि भएको बताए ।

साथै, उनले अभिकर्ता र सीईओबीच प्रत्यक्ष अन्तरक्रिया गराउन यो कार्यक्रम प्रभावकारी माध्यम भएको उल्लेख गरे ।

अभिकर्ताहरूले कार्यक्रममा आफ्नो अनुभव, समस्या, गुनासा र कम्पनीले सुधार गर्नुपर्ने पक्षका बारेमा सीईओसमक्ष खुलेर कुरा राख्ने अवसर पाएकोमा खुशी व्यक्त गरे। यस कार्यक्रमले अभिकर्ता र कम्पनीबीच सघन सम्बन्ध विकास गरेको र आगामी दिनमा पनि यस्ता कार्यक्रम निरन्तरता दिनुपर्ने सुझाव सहभागीले दिएका थिए।

‘मिट द सिइओ’ कार्यक्रमले कम्पनी र अभिकर्ताबीच सुमधुर सम्बन्ध स्थापना गर्न मात्र नभई बीमा व्यवसायमा नयाँ जोश र उत्साह थप्न सफल भएको कम्पनीले जनाएको छ ।