राप्ती स्वास्थ्य विज्ञान प्रतिष्ठानद्वारा रोल्पाको होलेरीमा सेवा विस्तार

राप्ती स्वास्थ्य विज्ञान प्रतिष्ठानले रोल्पाको होलेरीमा सेवा विस्तार गर्ने भएको छ । प्रतिष्ठानले चिकित्सा विषयको स्नातक तह (एमबीबीएस)को अध्यापन शुरू गर्ने भएपछि सेवा विस्तार गर्न लागेको हो ।​

प्रतिष्ठानले होलेरी प्राथमिक स्वास्थ्य केन्द्रका लागि चिकित्सक पठाउन लागेको हो । त्यहाँका नागरिकलाई सहज विशेषज्ञ सेवा प्रदान गर्नका लागि यस्तो कार्य गरिएको रजिस्ट्रार श्याम लम्सालले जानकारी दिए ।

स्वास्थ्य केन्द्रमा २४ सै घन्टा स्वास्थ्य सेवा प्रदान गर्ने लक्ष्य छ ।

एमबीबीएस पढाइको लागि प्रतिष्ठानले ५० सिट प्राप्त गरेपछि होलेरी केन्द्रलाई ‘कम्युनिटी आउट रिच सेन्टर’कोरुपमा रहने गरी व्यवस्थापन गर्ने भएको हो । यसका लागि प्रतिष्ठान र रुन्टीगढ गाउँपालिकाबीच जनशक्ति व्यवस्थापनबारे सम्झौता भएको छ । 

प्रतिष्ठानका रजिस्ट्रार लम्साल र गाउँपालिका अध्यक्ष जनक पुनबीच आगामी पुस १ गतेदेखि सेवा शुरू गर्ने सम्झौता भएको हो । 

साथै होलेरीमा नै प्रतिष्ठानबाट पास गर्ने एमडीपीजीपी चिकित्सक पठाएर विशेषज्ञ सेवा शुरू गर्ने उनको भनाइ छ ।

हाल प्रतिष्ठानमा एमडीजीपीमा दुई चिकित्सकले स्नाकोत्तर अध्ययनरत छन् ।

गत असारदेखि होलेरी अस्पतालमा चिकित्सकको नहुँदा बिरामीले सामान्य स्वास्थ्य सेवा प्राप्त गर्न घोराही आउनुपर्ने बाध्यता छ ।