दुर्गा प्रसाईंसहित ३ जनाविरुद्ध पक्राउ पुर्जी

पछिल्लो समयमा अभियन्ताका रुपमा चिनिएका मेडिकल व्यवसायी दुर्गा प्रसाईंसहित तीन जनाविरुद्ध पक्राउ पुर्जी जारी भएको छ । 

काठमाडौं जिल्ला अदालत स्रोतका अनुसार विद्युतीय कारोबार कसूरअन्तर्गत प्रसाईंसहित तीन जनाविरुद्ध बुधवार पक्राउ पुर्जी जारी भएको हो ।

न्यायाधीश महेन्द्रराज काफ्लेको इजलाशले पक्राउ अनुमति दिएकाे स्रोतले बतायो । 

प्रसाईंसहित जीवन पाण्डे र दुर्गा खनालविरुद्ध पक्राउ पुर्जी जारी भएको हो ।

नेपाल प्रहरीको साइबर ब्युरोमा परेको उजुरीका आधारमा अनुसन्धान गर्नका लागि उनीहरूविरुद्ध ब्युरोले पक्राउ अनुमति पाएको हो ।