×

दुबईको प्रसिद्ध चिया ब्रान्ड फिल्ली क्याफे अब नेपालमा

काठमाडौंका चार ठाउँमा शाखा विस्तार

काठमाडाैं | असार १३, २०८१

एनडी थर्टीनाइन बिजनेस ग्रुप प्रालिले दुबईको प्रसिद्ध चिया ब्रान्ड फिल्ली क्याफे नेपालमा भित्र्याएको छ ।

चियाका पारखी तथा नेपाली चियाको संस्कारलाई विश्व बजारमा प्रर्बद्धन गर्न र अन्तर्राष्ट्रिय स्तरको चिया स्वादलाई नेपालीमाझ चिनाउन यो ब्रान्ड नेपालमा भित्र्याइएको कम्पनीले जनाएको छ । 


Advertisment

फिल्ली क्याफेको पहिलो आउटलेट १४ अप्रिल २०२३ मा काठमाडौंको लाजिम्पाटमा खुलेको थियो । लाजिम्पाटलगायत ठमेल, बौद्ध तथा पुल्चोकको लबिम मलमा गरी आफ्ना ४ आउटलेट विस्तार गरिएको हो । 


Advertisment

क्याफेको उद्घाटन बुधवार आयोजित कार्यक्रममा विभिन्न व्यक्तिले गरेका थिए । कार्यक्रममा फिल्ली क्याफेका संस्थापक सीईओ रहिफ फिल्ली, फिल्ली क्याफे नेपालका सञ्चालकद्धय नवीन खड्का र धुब्र रिजाल, फिल्ली क्याफे नेपालका महाप्रबन्धक बिक्की खड्का, अभिनेता राजेश हमाल, क्रिकेटर सोमपाल कामी लगायतका व्यक्तिको उपस्थिति थियो ।

null 

फिल्ली क्याफेले चियाको पारखीहरूका लागि ४ वटा शाखामार्फत सेवा सञ्चालनमा ल्याएको कार्यक्रममा जानकारी दिइयो । चाँडै नै पर्यटकीय नगरी पोखरामा समेत शाखा विस्तार गरिने फिल्ली क्याफे नेपालका सञ्चालक नवीन खड्काले बताए । साथै आगामी ५ वर्षमा नेपालभर २५ वटाभन्दा बढी शाखा सञ्चालनमा ल्याउने योजना रहेको उनले सुनाए । 

युवाहरू विदेशिने बढ्दो क्रमलाई मध्यनजर गर्दै स्वदेशमै हस्पिटालिटी बिजनेसमा रोजगारीको अवसर सिर्जना गर्ने लक्ष्य लिइएको कम्पनीले जनाएको छ । ‘उनीहरूलाई स्वदेशमै स्वावलम्बी हुन अभिप्रेरित गर्ने उद्देश्यसहित दक्ष जनशक्ति र सीप अभिमुखीकरणका लागि फिल्लीका आउटलेटहरूले अवसर प्रदान गर्नेछन्,’ कम्पनीका सञ्चालक धुब्र रिजालले भने, ‘यसबाहेक आफ्नै बेकरी उत्पादन, सेन्टल किचेन र बारिस्टा कोर्सहरूको पनि तयारी भइरहेको छ ।’ 

जैविक उत्पादन र ताजा पारम्परिक तरिकाबाट पकाइएको खाना, उत्कृष्ट सेवा र आकर्षक इन्टेरिएर एवम् कोलाहलमुक्त वातावरणले गर्दा आफू यस क्याफेको रेगुलर ग्राहक भएको अभिनेता हमालले बताए । 

null

फिल्ली क्याफेका संस्थापक सीईओ रहिफ फिल्लीले काठमाडौंमा फिल्ली क्याफे ल्याउन पाउँदा हर्षित भएको बताए । खुलेका शाखा चिया पारखीका आकर्षक गन्तव्य बन्नेमा आफू ढुक्क रहेको उनको भनाइ थियो । 

फिल्ली क्याफे यूएईको दुबईमा एक सानो स्थानीय क्याफेको रूपमा शुरू भएको थियो । यसले हाल १५ वटा देशमा आफ्ना शाखा विस्तार गरिसकेको छ । नेपाल र यूएईसँगै ओमान, कतार, संयुक्त राज्य अमेरिका, बेलायत, क्यानडा, भारत र मौरिससलगायत देशमा शाखा विस्तार भएको हो ।

फिल्ली सिग्नेचर ’जाफ्रान टी’का लागि परिचित छ, जुन चियाको अनुपम मिश्रण भएका कम्पनीको भनाइ छ । ‘साथै फिल्ली क्याफेले विभिन्न प्रकारका खाजा र पेय पदार्थहरू पनि समावेश गर्दछ । आइस्ड चिया, मिल्कशेक मकटेल, बन कबाब, स्यान्डविच, मोःमो लगायतका मेनुले भारतीय र मध्य पूर्वी खानाका स्वादहरूलाई पूरा गर्दछ,’ कम्पनीले जारी गरेको विज्ञप्तिमा भनिएको छ ।


 

जेठ २, २०८१

लक्ष्मी मोटर कोर्पोरेसन (एलएमसी)ले सञ्चारकर्मीहरूलाई नेपालमै निर्मित ह्युण्डाई भेन्युको एक्स्पिरिन्यस र गाडीको टेस्ट ड्राइभ गराएको छ । गत वैशाख २९ गते रामग्राम, परासीस्थित  ह्युण्डाई मोटर एसेम्बलिङ प्लान्टमा गर...

जेठ २३, २०८१

व्यवसायी विष्णु अग्रवाल अध्यक्ष रहेको मोरङ अटो वर्क्स(एमएडब्ल्यू) वृद्धि कम्पनीले टेस्लाको लोगो कपी गरिएको 'डीपल एस ०७' विद्युतीय सवारी बिक्री गर्दै आएको छ । कम्पनीले ३० लाखभन्दा बढी मुनाफा लिएर गाडी बिक्...

जेठ ४, २०८१

गोर्खा ब्रुअरी प्रालि काठमाडौंले महोत्तरीको मटिहानी नगरपालिका–६ स्थित जरलहवा गाछी बस्तीका आगलागीपीडितलाई राहत सामग्री वितरण गरेको छ । कुल १०५ आगलागीपीडित परिवारलाई राहतस्वरुप प्रतिपरिवार एक&nda...

मंसिर १३, २०८०

महिन्द्रा एण्ड महिन्द्रा (लास्ट माइल मोबिलिटी)को आधिकारिक विक्रेता अग्नि ग्रुपले इलेक्ट्रिक थ्री–ह्वीलर अटो‘ट्रियो’ नेपालका विभिन्न ठाउँमा सार्वजनिक गरेको छ ।​ महिन्द्राले छोटो सम...

पुस १३, २०८०

यशोदा फूड्स प्रालिले करेन्ट चाउचाउ लगायत आफ्नो कम्पनीको उत्पादन र विक्रीवितरणमा कुनै पनि रोक नलागेको स्पष्ट पारेको छ । उत्पादन बिक्रीवितरणमा रोक लगाईपाउँ भन्दै परेकोउजुरीविरुद्ध उद्योग विभागले गत जे...

कात्तिक २६, २०८०

प्रदर्शनी मार्गस्थित भृकुटीमण्डपमा आइतबार देखिएका नेपाली फूल बिक्रेता निराश देखिन्थे । तिहारमा पनि फूलको व्यापार सोचेजस्तो नभएपछि उनीहरू निराश भएका हुन् । फूल बिक्री नभएपछि व्यापारीहरू ग्राहकको पर्खाइमा हात&n...

बीपीको स्मृतिमा कांग्रेसले गर्नुपर्ने एउटा संकल्प

बीपीको स्मृतिमा कांग्रेसले गर्नुपर्ने एउटा संकल्प

साउन ६, २०८१

'आग्रहले भरिएको मस्तिष्कभन्दा खाली मस्तिष्क सत्यको नजिक हुन्छ' - थोमस जेफर्सन (तेस्रो अमेरिकी राष्ट्रपति) । हाम्रा प्रात: स्मरणीय नेता, विचार, सिद्धान्त र प्रथम जनक्रान्तिका प्रणेता बीपीको ४२ औं स्मृति दिवसको...

दृष्टिकोण

दृष्टिकोण

साउन ५, २०८१

गीतामा कृष्णले भनेका छन्– ‘जे भएको छ राम्रै भएको छ, जे हुनेछ राम्रै हुनेछ ।’ सुन्दा आश्चर्य लाग्न सक्छ, यस्तो कसरी हुन्छ ?  हुन सक्छ, कसैको विवाह हुँदैछ राम्रै भयो । घरगृहस्थी बन्नेछ राम्...

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

साउन २, २०८१

जनमतप्राप्त पहिलो र दोस्रो दलबीचको सत्ता समीकरण सोमबारदेखि औपचारिकरूपमा अघि बढेको छ । पहिलो दलले सरकार चलाउने र दोस्रो दल प्रमुख प्रतिपक्षमा रहने सामान्य संसदीय अभ्यास हो । संसदीय इतिहासमा पहिलो र दोस्रो...

x