×

NIC ASIA

पूर्व सभामुख पक्राउ प्रकरण

भारततर्फ भाग्न खोज्दै थिए महरा ?

बुटवल | चैत ५, २०८०

Prabhu Bank
NTC
Premier Steels

सुन तस्करी प्रकरणमा नेकपा (माओवादी केन्द्र)का उपाध्यक्ष एवं पूर्व सभामुख कृष्णबहादुर महरा पक्राउ परेका छन् ।

Muktinath Bank

पश्चिम (गन्तव्य यकिन नभएको)तर्फ जाँदै गरेका महरालाई सोमबार रुपन्देही प्रहरीले कपिलवस्तुको सीमाबाट काठमाडौं फर्काएको थियो ।


Advertisment
RMC TANSEN
IME BANK INNEWS
shivam ISLAND

काठमाडौंस्थित त्रिभुवन अन्तर्राष्ट्रिय विमानस्थलमा ओर्लिएलगत्तै महरालाई नियन्त्रणमा लिएर नेपाल प्रहरीको केन्द्रीय अनुसन्धान ब्यूरो (सीआईबी)ले हिरासतमा राखेको छ ।


Advertisment
Nabil box
Kumari

महरालाई विमानस्थलबाट सिधै सीआईबी लगिएको थियो ।

Vianet communication

उपप्रधान तथा गृहमन्त्री रवि लामिछानेले महरालाई पक्राउ गर्न आइतबार नै प्रहरीलाई निर्देशन दिएको खबर बाहिरिएको थियो ।

सुन तस्करीका सम्बन्धमा छानबिन गर्न गठित आयोगले मुद्दा चलाउन सिफारिश गरेका आधारमा महरालाई पक्राउ गरेर हिरासतमा राखिएको हो ।

कता जाँदै थिए महरा ?

स्रोतका अनुसार पक्राउ परिने सम्भावना बढेपछि महराले आइतबार राति काठमाडौं छाडेका थिए । महरा राजधानीबाट बाहिरिएको सूचना पाएपछि प्रहरीले भारतीय सीमा नाकाहरूमा निगरानी बढाएको थियो ।

स्रोतका अनुसार महरा पार्टी निकट एक व्यक्तिको प्राइभेट गाडीमा सोमबार बिहान पूर्वी नवलपरासी पुगेका थिए । त्यहाँबाट अर्कै गाडी चढेर पश्चिम नवलपरासीको बर्दघाट पुगेको पाइएको प्रहरी स्रोतको दाबी छ ।

त्यहाँबाट उनी बुटवलतर्फ लागेनन्, तल्लो बाटो सुनवल हुँदै भैरहवा पुगे । भैरहवाबाट लुम्बिनी हुँदै कपिलवस्तुको पकडी पुगेपछि प्रहरीले फर्काएको हो ।

बर्दघाटबाटै प्रहरीले उनलाई पिछा गरेको थियो । पकडीमा प्रहरीले ब्यारियर राखेको थियो । महरा चढेको बा ०१० २७ च १९९३ नम्बरको गाडी प्रहरीको ब्यारियर छलेर अगाडि बढ्यो । गाडी भारतीय सीमा क्षेत्र अलिगढवातिर लागेपछि घेरा हालेर नियन्त्रणमा लिइएको प्रहरी स्रोतले बतायो ।

तर, रुपन्देही प्रहरी प्रमुख एसपी रञ्जित राठोर भने महरा दाङतर्फ जान लागेको पाइएको बताउँछन् । ‘उहाँ (महरा)को स्वास्थ्य कमजोर रहेछ । बिरामीजस्तो देखिनुभएको थियो । केन्द्रबाट उहाँलाई फिर्ता पठाउन आदेश आएपछि हामीले विमानमार्फत काठमाडौं पठाएको हौं,’ राठोरले भने ।

महराले दाङको एक विवाह समारोहमा जान लागेको बताएको राठोरले जानकारी दिए ।

विप्लवसँग जम्काभेट !

प्रहरीले महरालाई भैरहवास्थित गौतमबुद्ध अन्तर्राष्ट्रिय विमानस्थलको भीआईपी कक्षमा पुर्‍याउँदा त्यहाँ नेकपा महासचिव नेत्रविक्रम चन्द्र विप्लवसँग जम्काभेट भयो । विप्लवलाई महराले सोधे, ‘तपाईं कता जान लाग्नुभयो ?’ विप्लवले काठमाडौं जान लागेको बताए । त्यसपछि महरालाई विप्लवले सोधे, ‘तपाईं कता नि ?’ जवाफमा महराले ‘खै, साथीहरूले मलाई हिँडाए’ भनेको प्रत्यक्षदर्शी पत्रकार प्रकाश डुम्रेले जानकारी दिए ।

अहिले विद्युतीय चुरोट (भेप)मा राखेर सुन तस्करी गरेको आरोपमा महराका छोरा राहुलविरुद्ध मुद्दा चलिरहेको छ । राहुलले त्रिभुवन विमानस्थल भन्सारमा समातिएको सुन छुटाउन दबाब दिएको सीआईबीले जिल्ला अदालत, काठमाडौंमा दायर गरेको अभियोग पत्रमा उल्लेख छ ।

सुन तस्करीमा संलग्न व्यक्तिसँग माओवादी नेता महराको बारम्बार टेलिफोन संवाद भएको अनुसन्धानमा देखिएको थियो । 

त्यसका आधारमा सीआईबीले अनुसन्धान अगाडि बढाएको थियो । तर, राहुलमाथि मुद्दा दर्ता गरिए पनि महरालाई उन्मुक्ति दिइएको थियो । 

यता पूर्व उपराष्ट्रपति नन्दबहादुर पुनका छोरा दीपेश पुन पनि सुन काण्ड र सुप्रिम सहकारीको रकम हिनामिना प्रकरणमा मुछिएपछि पक्राउ परेका छन् । सहकारीसम्बन्धी मुद्दामा अनुसन्धानका लागि पुनलाई बुटवल ल्याइएको छ ।

पुनलाई ८ दिन हिरासतमा राखेर अनुसन्धान गर्न अदालतले अनुमति दिएको इलाका प्रहरी कार्यालय बुटवलका डीएसपी विजयराज पण्डितले जानकारी दिए । 

hAMROPATRO BELOW NEWS
TATA Below
कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x