×

NMB BANK
NIC ASIA

चुनावी गठबन्धनबारे कांग्रेस

गोदावरीबाट देउवा : गगनलाई जवाफ, प्रचण्डलाई आश्वस्त पार्ने प्रयास

काठमाडाैं | फागुन ७, २०८०

NTC
Sarbottam
Premier Steels
Marvel

भविष्यमा चुनावअघि राजनीतिक गठबन्धन गर्ने कि नगर्ने भन्ने विषय कांग्रेसभित्र पेचिलो बनेर उठिरहेको समयमा सभापति शेरबहादुर देउवाले महासमिति बैठकबाट यसको टुंगो नलाग्ने जनाउ दिएका छन् । 

Muktinath Bank

महामन्त्री गगन थापाले भविष्यमा कांग्रेसले चुनावी गठबन्धन गर्न नहुने प्रस्ताव केन्द्रीय समितिमा पेश गरेपछि अहिलेको सत्ता गठबन्धनभित्रै हलचलको स्थिति सिर्जना भएको थियो । भविष्यमा गठबन्धन गर्ने/नगर्ने विषय त्यतिबेला नै निर्णय गर्न सकिने भन्दै देउवाले त्यो बहस गर्न अहिले इन्कार गरेका छन् । 


Advertisment
RMC TANSEN
IME BANK INNEWS
shivam ISLAND

सोमवार महासमिति बैठक उद्घाटन मन्तव्यमा गठबन्धनको पक्षपोषण गरेर देउवाले प्रधानमन्त्री पुष्पकमल दाहाल ‘प्रचण्ड’लाई आश्वस्त पार्न खोजेका छन् । संविधान रक्षाका लागि अहिलेको गठबन्धन बनेको र यसको निरन्तरताको पक्षमा कांग्रेस रहेको देउवाले बताए । 


Advertisment
Nabil box
Kumari

‘अहिले हामी गठबन्धनको अभ्यासमा छौं, अहिलेको गठबन्धन सरकार गठनका लागि मात्र बनेको होइन । केही समय पहिले प्रतिनिधि सभालाई असमयमा विघटन गर्ने, मुलुकमा राजनीतिक अस्थिरता ल्याउने, संविधानलाई जोखिममा पार्ने र संघीय लोकतान्त्रिक गणतन्त्रलाई कमजोर बनाउने गतिविधि भए,’ महासमिति बैठकको उद्घाटन समारोहमा राखेको लिखित मन्तव्यमा देउवाले भनेका छन्, ‘संविधान रक्षाका लागि नेपाली कांग्रेसकै पहल, प्रयत्न र अग्रसरतामा तत्कालै गठबन्धन बनेको हो । गत निर्वाचन पूर्वको गठबन्धन र वर्तमान सरकार त्यसैको निरन्तरता हो । आज पनि हामीले संविधानको रक्षालाई प्राथमिक एजेन्डाको रूपमा लिएका छौं । महासमितिमा प्रस्तुत हुने सबै दस्तावेजले यस विषयलाई उल्लेख गरेको छ ।’

Vianet communication
Laxmi Bank

भविष्यमा कम्युनिस्टसँग गठबन्धन नगर्ने कांग्रेस कार्यकर्ताले सुन्न चाहेको विषय हो, तर देउवाले यो विषय सुन्न चाहेका छैनन् । ‘कांग्रेस कार्यकर्ताले सुन्न चाहेको विषय’ नबोलुन् भनेर उद्घाटन सत्रमा महामन्त्री गगन थापा र विश्वप्रकाश शर्मालाई मन्तव्य राख्न नै दिएनन् । २०८४ को चुनावी गठबन्धन अहिलै निषेध गर्दा केही महिनापछि आउन लागेको सत्तारोहणको अवसर धरापमा पर्न सक्नेमा देउवा चिन्तित छन् ।

null

भविष्यमा गठबन्धन नगर्ने या अन्य केही विषयले प्रचण्डलाई बिच्काउँदा हुने हविगत देउवाले बुझेका छन् । त्यसैले उद्घाटन समारोहमा देउवाले शब्द–शब्द तौलेर बोले । संविधानको व्यवस्था देखाएर भविष्यमा पनि चुनावी गठबन्धन गर्न सकिने आधार प्रस्तुत गरे । 

‘हामीले संविधानमा मिश्रित निर्वाचन प्रणाली अपनाएका छौं । मिश्रित निर्वाचन प्रणालीका गुण दोष दुवै छन् । यो निर्वाचन प्रणालीमा कुनै एक मात्र पार्टीको स्पष्ट बहुमत आउने सम्भावना कम हुन्छ । वर्तमान गठबन्धन हामी समेतको अग्रसरतामा संविधान रक्षाको उद्देश्यले गठन भएको हुँदा यसको निरन्तरता हाम्रो राजनीतिक जिम्मेवारी पनि हुन गएको छ ।’

भविष्यमा चुनावी गठबन्धन गर्ने/नगर्ने विषयमा तत्कालीन परिस्थिति हेरेर निर्णय गर्ने भन्दै देउवाले प्रचण्डलाई थप आश्वस्त पार्न खोजेजस्तो देखिन्छ । 

‘भविष्यमा राजनीतिक गठबन्धन गर्ने या नगर्ने भन्ने विषय तत्कालीन परिस्थितिमा निर्भर हुने भएको हुँदा पार्टीले तत्कालीन परिस्थितिअनुसार गठबन्धनको औचित्य, सान्दर्भिकता लगायत विषयमा ठोस मूल्यांकन र छलफल गरी त्यसै बेलामा उचित निर्णय लिन सक्नेछ,’ देउवाले भने । 

देउवाको भनाइको बचाउ गर्दै परराष्ट्र मन्त्री समेत रहेका केन्द्रीय सदस्य एनपी साउदले चार वर्षपछि हुने चुनावबारे अहिले नै बेलिराख्नुनपर्ने बताए ।

‘चार वर्षपछिको चुनावबारे अहिल्यै बोल्नु राजनीतिक विषय होइन । अहिले नै बोलिराख्नु पर्दैन । महासमितिबाट त्यस्तो निर्णय हुँदैन,’ साउदले लोकान्तरसँग भने । 

null

अर्का केन्द्रीय सदस्य रामहरि खतिवडाले पनि गठबन्धन सरकारमा रहेकाले अहिले चुनावी गठबन्धन गर्ने/नगर्ने भन्ने विषयमा निर्णय लिनु उपयुक्त नहुने धारणा राखे ।

‘गठबन्धन सरकारमा बसेर गठबन्धनकै विरोध गर्नु राजनीतिक चरित्र हुँदैन,’ खतिवडाले लोकान्तरसँग भने ।

उद्घाटन समारोह समापन भइसक्दा समेत महासमिति बैठकमा पेश गर्ने महामन्त्री गगन थापाको प्रतिवेदनले अन्तिम रूप पाएको छैन । गगनको प्रतिवेदनलाई अन्तिम रूप दिन सोमवार देउवाको निवासमा कांग्रेस पदाधिकारी बैठक बस्दैछ । 

सभापतिको इच्छाविपरीत कांग्रेस सम्मेलनले त्यस्तो कुनै क्रान्तिकारी प्रस्ताव पारित गर्ने सम्भावना छैन । 

गोदावरीको सनराइज हलबाट देउवाले एउटा मन्तव्यमार्फत प्रचण्डलाई आश्वस्त मात्र पारेका छैनन्, गगनलाई जवाफ पनि दिएका छन् ।

८० प्रतिशत केन्द्रीय सदस्य र बहुसंख्यक प्रतिनिधि आफ्नो पक्षका रहेको हलबाट प्रचण्डलाई चिढ्याउने प्रस्ताव पारित गर्न दिने पक्षमा देउवा देखिँदैनन् ।

hAMROPATRO BELOW NEWS
TATA Below
मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

चैत १, २०८०

सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...

माघ १८, २०८०

सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...

मंसिर १९, २०८०

कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...

माघ २, २०८०

आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...

पुस ६, २०८०

एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

बैशाख १, २०८१

आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...

दाम्पत्य जीवनको दाम्लो

दाम्पत्य जीवनको दाम्लो

चैत २४, २०८०

दाम्पत्य जीवनको मूलभूत आधार भनेको विवाह संस्कार हो ।  यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...

x