तलब खातामा विना धितो १५ लाख ऋण, १० लाखसम्मको बिमा र अन्य आकर्षक सुविधा

एनएमबि बैंक लिमिटेडले 'प्रिमियम सुपर तलब खाता'मा आकर्षक सुविधा उपलब्ध गराउँदै आएको छ, सोही कारण उक्त खाता एनएमबि बैंकको लोकप्रिय 'प्रोडक्ट'का रूपमा चर्चित छ ।

निक्षेपमा उच्च ब्याजदर, कर्पोरेट क्रेडिट कार्ड तथा विनाधितो १५ लाखसम्मको तलब कर्जा उपलब्ध हुने भएकाले पनि 'प्रिमियम सुपर तलब खाता'मा आकर्षण रहेको एनएमबि बैंकले जनाएको छ ।

यसका अलावा उक्त खातामा बैंकले बिमा सुविधा पनि उपलब्ध गराउँदै आएको छ ।

प्रिमियम सुपर तलब खातावालाले १० लाखसम्मको दुर्घटना बिमा, घातक रोगमा ७ लाखसम्मको बिमा तथा १ लाखसम्मको स्वास्थ्योपचार बिमा सुविधा पाउने छन् ।

प्रिमियम सुपर तलब खातासँगै ऐच्छिकरूपमा रिकरिङ डिपोजिट (क्रमिक बचत) र सिस्टमेटिक इन्भेस्टमेन्ट प्लान (व्यवस्थित लगानी योजना) पनि उपलब्ध हुन्छ । निश्चित अवधि तोकेर गरिने क्रमिक बचतपछि अन्तिममा एकमुस्ट लाभ लिन सकिन्छ, सोही कारण 'रिकरिङ डिपोजिट' लोकप्रिय छ ।

यसका अलावा लगानी गर्न चाहने तर अनुभवको कमी भएकाहरूले बैंकको सिस्टमेटिक इन्भेस्टमेन्ट प्लान सदुपयोग गर्न सक्छन्, जसमा खातावालाको स्वीकृतिमा निश्चित रकम शेयर बजारसहितका क्षेत्रमा लगानी गरी उचित लाभ उपलब्ध हुने सुविधा प्राप्त हुन्छ । यसअन्तर्गत लगानी व्यवस्थापनको काम एनएमबि बैंकको भगिनी संस्था एनएमबि क्यापिटलले गर्छ ।

यस खातामा व्यक्ति र संस्थाले छुट्टा-छुट्टै लाभ लिन सक्छन् । संस्थाका लागि निक्षेपमा उच्च ब्याजदर, कर्पोरेट क्यूआर, कर्पोरेट इन्टरनेट बैंकिङ, कर्पोरेट क्रेडिट कार्डलगायतका सुविधा उपलब्ध छ ।

व्यक्तिको हकमा बिमा र विनाधितो कर्जाका अलावा फ्री एबीबीएस (एनी ब्रान्च बैंकिङ सिस्टम), पहिलो वर्षका लागि इन्टरनेट र मोबाइल बैंकिङ तथा पहिलो वर्षका लागि एनएमबि डिलाइट डेबिड कार्ड फ्रीमा उपलब्ध हुने बैंकले जनाएको छ ।

हेर्नुहोस्,सुविधाहरूको पूर्ण विवरण:

'विभिन्न संघ/संस्थामा आबद्ध कर्मचारीहरूको पेरोल व्यवस्थापनका लागि यो खाता सञ्चालनमा ल्याइएको हो,' एनएमबि बैंकका नायब कार्यकारी अधिकृत सुदेश उपाध्यायले लोकान्तरसँग भने, 'यसले कर्पोरेट लेभल र कर्मचारी दुवैलाई वित्तीय लाभ उपलब्ध गराउनेछ ।'

सन् २०२१ मा बैंक अफ दी इयर एसिया तथा सन् २०१७, २०१८, २०२० र २०२१ म बैंक अफ दी इयर, नेपाल समेत भएको हो । एनएमबि बैंक नियमित वित्तीय करोबारका अलावा आर्थिक र सामाजिक उत्तरदायित्वका अन्य कार्य समेत गर्दै निरन्तर प्रगतिको पथमा अघि बढिरहेको छ ।

बेलायतको फाइनान्सियल टाइम्सअन्तर्गत दी बैंकर म्यागेजिनले छनोट तथा अवार्ड गर्दै आएको बैंक अफ दी इयर एसिया अवार्ड पाउने नेपालकै पहिलो बैंक समेत एनएमबि  हो । यस बैंकले देशभरिमा २०१ शाखा, १५८ एटीएम र १२ एक्सटेन्सन काउन्टरमार्फत सेवा प्रदान गर्दै आइरहेको छ ।