एनएमबि बैंकको डेबिट कार्ड प्रयोग गर्दा २०० रुपैयाँ क्याशब्याक

एनएमबि बैंकले तिहारको अवसरमा क्याशब्याक  अफर सार्वजनिक गरेको छ ।​

बैंकले एनएमबि डेबिट कार्ड प्रयोग गर्ने ग्राहकहरूको लागि तुरुन्तै २०० रुपैयाँ क्याशब्याक प्राप्त गर्न सकिने अफर सार्वजनिक गरेको हो ।

तिहारमा विधुतीय कारोबारलाई प्रोत्साहन गर्ने उद्देश्यका साथ अफर सार्वजनिक गरिएको बैंकले जनाएको छ । ​

बैंकका अनुसार नोभेम्बर ११ देखि १९ सम्म बैंकको डेबिट कार्ड प्रयोग गरी पीओएस वा ई–कमर्स करोबारमा क्याशब्याक प्राप्त गर्न सकिने छ ।

क्याशब्याक प्राप्त गर्न एक पटकमा रु १,००० को न्यूनतम् भुक्तानी गर्नु पर्नेछ ।​

एनएमबि बैंकले हाल देशभरि २०१ शाखाहरू, १५७ एटीएमहरू र १२ एक्सटेन्सन काउन्टरमार्फत सेवा प्रदान गर्दै आइरहेको छ ।